Венеција и Верона
Авионски програм со поаѓање од Скопје

Термин: 20-24.05.2026

Венеција и Верона – романтична италијанска приказна

Доживејте ја магијата на Италија преку посета на две од најубавите и најромантични дестинации – Венеција и Верона. Прошетајте низ тесните канали и мостови на Венеција, уживајте во атмосферата на плоштадот Св. Марко и откријте ја уникатната архитектура на градот на водата. Потоа, следува Верона – градот на Ромео и Јулија, каде ќе ја почувствувате романтиката на старите улици, историските плоштади и познатата Арена. Совршен спој на култура, историја и незаборавни моменти.

Ден 1: Маj 20.2026
Состанок на групата на аеродромот во Скопје 2 часа пред предвиденото време за лет. Полетување за Венеција во 13:00 часот.  Пристигнување во 14:45 часот. Трансфер до хотелот, сместување.  Слободно време за ужување на плажа во Лидо Ди Јесоло. Ноќевање. 
 
Ден 2:  Мај 21. 2026
Појадок во хотелот. Слободно време за индивидуални активности или можност за организација на индивидуален факултативен излет, панорамски разглед на градот. Плоштадот, камбанаријата Св. Марко и црквата Сан Марко богатството кое го поседува оваа катедрала е од непроценлива вредност. Симбол на културниот сјај, духовен и уметнички центар уште од нејзината изградба во средниот век. Базиликата Св. Марко претставува скапоцен камен на византиската архитектура и еден од најпосетуваните споменици во Италија. Оваа базилика го започнува својот век како мала капела во која се сместени моштите на Св. Марко, а низ годините прераснува во симбол на величественоста и верата во Италија.
Следна за посета е Дуждевата палата, античко седиште и резиденција на дуждот, симбол на моќ и ремек дело на Венецијанската Готска архитектура. Внатрешноста, со дела од уметници како што се Тицијан, Веронезе, Тинторето, А. Виторија и Тиеполо, огромните соби на советот, извонредно украсени станбени делови и строги затворски ќелии се само дел од величественоста на оваа палата.
“The Grand Canal”- Бидејќи Венеција е град изграден на вода, Големиот канал (Canale Grande) е нејзината најраздвижена главна улица. Опколен со раскошни венецијански палати и преполн со гондоли, водени такси оваа сообраќајница е празник за сетилата. Големиот канал се движи низ централните населби на Венеција од железничката станица Санта Лусија до плоштадот Свети Марко (Пјаца Сан Марко), поминувајќи под иконскиот мост Риалто на патот и функционира како сценска главна артерија за транспорт на луѓе и стоки околу градот на каналите.
“The Rialto Bridge (Ponte di Rialto)” Мостот Риалто, првиот мост играден на Големиот Канал, помеѓу 2 највисоки точки. Оригиналниот мост бил дрвен и изграден во 12 тиот век, подоцна во 1592 година бил заменет со камена конструкција што се потпира на дрвени столбови- храбар дизајн на Антонио да Понте со единствен централен лак над водата што им овозможува на бродовите да минуваат. Денес, мостот е меѓу најпознатите во Италија, пренесувајќи бесконечен прилив на туристи и локални жители преку каналот, додека безброј гондоли и автобуси на вода поминуваат под него.
Мост на воздишките, затворен варовнички мост, кој се протега на тесниот канал (Рио ди Палацо) помеѓу Дуждовата палата и затворите. Нарачан од дуждот Марино Гримани, чиј семеен грб е прикажан во центарот на фасадата, мостот во барокен стил бил изграден околу 1600 година од страна на архитектот Антонио Контино. Заградениот премин го добил името по „воздишките“ на затворениците кои минувале по него. Традицијата вели дека ако парот се бакнува додека минува под мостот во гондола, тие ќе уживаат во вечната љубов.
По прошетката ви препорачуваме да изберете еден од многубројните кафичи на популарните плоштади и да ужувате со чаша Аперол. Враќање во хотелот, ноќевање.
 
Ден 3: Мај 22.2026
Појадок во хотелот. Слободно време за индивидуални активности или можност за организација на индивидуален факултативен излет Верона со локален воз. Градот на љубовта, градот на Ромео и Јулија.
Посетата ја започнуваме со проштадот Ербе. Не е ни чудо што ова е еден од најисториските и најживописните плоштади во Италија: во антиката служел како римски форум; денес опкружен со многу историски градби, скулптури со популарен и шарен пазар преполн со свежо овошје и зеленчук. Прошетката продолжува кон прлоштадот и статуата на Данте Алигиери, таткото на италијанскиот јазик и познатиот поет и писател. Роден во 1265 година во Фиренца. Во Верона живеел 7 години. Првата локација на статуата не е позната. Направена е од  Уго Занони од бел мермер од Карара, неговиот омилен материјал.
Куќата на Јулија- едно од најпознатите места во градот Верона и апсолутна референтна точка за романтичарите. Мала средновековна палата во Верона, каде што семејството Дал Капело веројатно живеело од 13 век. Семејството и го дало своето име на улицата, а амблемот е издлабен во релјеф во клучот на внатрешниот лак на дворот на зградата. Познатиот балкон составен од остатоци од мермер од 14 тиот век кои до 1920 година биле во музејот Касталвекио како материјал кој требало повторно да се користи. Во дворот на куќата има бронзена статуа на Јулија направена од Нерео Костантинини. Во тоа време всушност имало две семејства по презиме Монтеки и Капулети кои се спомнуваат и во Дантеевата Божествена Комедија.
Музејот Кастелвекио-  содржи важни збирки на средновековна, ренесансна и модерна уметност (до 18 век). Распослани низ 29 изложбени сали, гордо гоо красат 2500 слики, околу 500 скулптури и бронзи и околу 500 други предмети од средновековието.
The Verona Cathedral or Santa Maria Matricolare Cathedral- Катедралата во Верона стационирана на плоштадот Дуомо, во историскиот центар на Верона, опкружена со елегантни градби кои се чини дека биле речиси направени по нарачка. Тоа е комплексен архитектонски комплекс, кој ги вклучува црквата Сант'Елена, црквата Сан Џовани во Фонте, манастирот на Каноните, Капитолинската библиотека и Епископијата, од кои секоја била изградена во различен период.
Враќање во хотелот. Ноќевање.
Ден 4: Мај 23.2026
Појадок во хотелот. Слободно време за индивидуални активности или можност за организација на индивидуален факултативен излет на островите Мурано и Бурано. 

Мурано и Бурано – шареното срце на Венецијанската лагуна

Мурано е познат по својата вековна традиција на изработка на стакло. Тука ќе имате можност да посетите локални работилници и да видите демонстрација на прочуеното мурано стакло, како и да прошетате низ тивките канали и автентичната атмосфера на островот. Ќе ја видиме и катедралата "Santa Maria e San Donato".

Бурано, од друга страна, воодушевува со своите живописни, шарени куќи и уникатна рибарска традиција. Островот е познат и по рачната изработка на чипка, а прошетката низ неговите улици нуди вистинско визуелно уживање и одлични можности за фотографии. Ќе ја посетиме и црквата "San Martino" со накривената камбанарија. Враќање во хотелот. Ноќевање.

Ден 4: Мај 24.2025 
Појадок во хотелот. Одјавување од хотелот во утринските часови. Трансфер до аеродромот во 09 часот. Лет за Скопје во 12:35 часот пристигнување во Скопје во 14:25 часот.
Крај на патувањето.
ЗА РАНА УПЛАТА ДО 15.04.2025

ЦЕНА ПО ЛИЦЕ: 499 еур
(30.938 мкд)
РЕДОВНА ЦЕНА: 559 еур
(34.658 мкд)
ЛЕТ ОД СКОПЈЕ
СО ПОЈАДОК
4 НОЌЕВАЊА
Цената вклучува:
 
  • Индивидуални авионски билет на релација Скопје-Внеција -Скопје со авио компанијата WizzAir
  • Рачен багаж од 10 кг со димензии 40x30x20
  • Трансфер аеродром хотел-аеродром во Венеција
  • 4 ноќевања во хотел со 3* во Лидо или околина на база ноќевање со појадок
  • Пратител на групата за време на патувањето
  • Организација и реализација на патувањето
Цената не вклучува:
 
  • Дополнителен багаж од (проверете со агенцијата пред патувањето за евентуална промена од страна на авиокомпанијата)
  • Факултативни излети
  • Туристичка такса
  • Индивидуални трошоци
  • Патничко осигурување
  • Останати по програма не наведени услуги
Напомена и општи услови на патување:
 
  • Факултативните излети се од информативен карактер и истите можат да се менуваат според желбите на патникот како и според моменталната состојба, истите подлежат на доплата за која ке бидете накнадно известени.
  • Програмата е правена на база на 20 лица , доколку минимумот на патници не се исполни, агенцијата го задржува правото на промена на програмата или цената како и да го откаже аранжманот. Доколку дојде до промена или откажување на аранжманот, агенцијата ќе ги извести патниците за настанатите промени.    
  • Цените се дадени на база на моменталните расположливи места во хотел и на авион и истите можат да се променат се до моментот на резервација.
  • Цената во евра се пресметува по курс од 1 еур= 62 мкд
  • Организатор на патувањето е ДПТУ Монд -Комерц ДООЕЛ увоз-извоз Гостивар со A лиценца  УПI 13-178.
  • При пријавување, потребно е да доставите копија од пасош/податоци од пасошот со кој патникот ќе патува на самото патување. Патникот мора задолжително да го провери траењето и исправноста на патниот документ, како и бројот на слободни страници потребни за патувањето.
  • Сите пасоши мораат да имаат рок на важење минимум 180 дена (6 месеци) од датумот на враќање во земјата.
  • Организаторот на патувањето го задржува правото на измена на одредени содржини од програмата, во случај на вонредни околности и работи кои агенцијата не може да ги предвиди, за време на склучување на договорот.
  • Организаторот на патувањето не е овластен и не ја проценува валидноста на патните и други исправи.
  • За сите информации кои се дадени по усмен пат, агенцијата не сноси никаква одговорност.
  • Потписникот на Договорот за патување или претставникот на групата на патници е задолжен да ги информира и запознае сите патници со договорениот програм на патување, условите на плаќање, визирање и ОПШТИТЕ УСЛОВИ НА ПАТУВАЊЕ ДПТУ Монд -Комерц ДООЕЛ увоз-извоз Гостивар
  • Патникот е должен сам да се запознае со правилата на однесување во земјата во која патување и да ги почитува важечките законски царински прописи.
  • Патникот е должен да ја почитува “саатницата” одредена од страна на претставникот на агенцијата на патувањето, во спротивно, претставникот на агенцијата има право да го исклучи патникот од патувањето.
  • Во случај на недоволен број на патници за реализација на аранжманот или други објективни околности, организаторот на патувањето ги информира патниците дека аранжманот е откажан – најкасно 10 дена пред датумот на поаѓање за далечни патувања и 5 дена пред датумот на поаѓање за европски патувања.
  • Кај аранжманите кои вклучуваат превоз со авион, по купување на авио картата, невозможно е средствата да се вратат и во тој случај – важат условите на авио компанијата.
  • Кај аранжманите кои вклучуваат low-cost авио компании, во случај на одложување на летот, откажување или губење на конекциите, патниците се дожни сами да ги платат новонастанатите трошоци и агенцијата не може да влијае на околностите кои се надвор од нејзиниот домет.
  • Цените на low cost аранжманите се подложни на промена. По уплата на авансот се проверуваат тарифите и на патникот му се потврдува цената на аранжманот.
  • Агенцијата не сноси одговорност доколку дојде до промена на авио конекциите од страна на авио компаниите.
  • Саатниците на летовите наведени во планот и програмот или добиени од страна на агенцијата се подложни на менување и зависат исклучиво од авио компанијата.
  • Наша препорака е да водите сметка за вашите лични документи и пари на Вашето патување.
  • За овој аранжман се применуваат ОПШТИТЕ УСЛОВИ ЗА ПАТУВАЊЕ.
  • Организаторот на патувањето, го задржува правото на распоред по соби, во согласност со структурата на собите во сместувачкиот објект.
  • Во сместувачките објекти се влегува првиот ден од престојот во согласност со правилата на самиот сместувачки објект. Наjчесто, check-in е во попладневните часови (14h или 15h), а check-out – последниот ден од престојот, најчесто до 10h или 11h.
  • Описите на сместувачките објекти се од информативен карактер.
  • Некои од дополнителните содржини на сместувачките објекти се достапни со доплата. Постои можност на отстапувања и промена на достапноста на некои содржини, бидејќи истите зависат исклучиво од сместувачките објекти (нпр. Сеф, паркинг, мини-бар, ТВ, клима уред...)
  • Сместувачките капацитети ги сместуваат патниците и го одредуваат распоредот и типот на собите спрема својата расположливост во дадениот момент. Агенцијата не е во можност да им го потврди на клиентите типот на креветот. Клиентот со уплата на аранжманот се согласува со овие факти и условите на сместувањето, без право на жалба.
  • Факултативните излети не се задолжителен дел од патувањата и за факултативните излети не е обезбедена заштита во поглед на гаранција за патувањето.
  • Термините и цените на факултативните излети се променливи и зависат од слободните термини по локалитетите, бројот на пријавени патници и други објективни околности.
  • Факултативните излети се реализираат од страна на локални агенции. 
  • Факултативните излети се реализираат од локални туристички водичи, на самите локалитети, најчесто на англиски јазик. Со плаќање на излетот, патникот ги прифаќа сите услови на локалната агенција, без право на жалба.
  • Агенцијата не може да влијае на времетраењето на патувањата до локалитетите, времето на поаѓање, враќање или обиколка, како ни стручноста на локалните водичи.
  • Патниците задолжително мора да се запознаат со визниот режим на државата во која патуваат.
  • Агенцијата не гарантира дека на патникот ќе му биде одобрена виза и не е овластена да утврдува валидност на документи.
  • Агенцијата не сноси одговорност во случај на недобивање на виза и средствата за истата се неповратни.