Остров од соништата: Занзибар во декември 

Авионски програм со поаѓање од Скопје
Термин: 09 - 17. 12. 2024 (9 дена - 7 ноќи)

Спремни сте за островот кој никогаш нема да го избришете од вашите мемории?

Остров на зачините, на позитивата, на танцот и музиката и фантастичната енергија! Остров од соништата! Палми, плима и осека, кокоси, преслатко манго и ананаси, јастог, туна и лигњи на скара, Kili пиво, бескраен тиркиз и нереално ситен, мек песок често поистоветуван со брашно, а за сите љубители и по некоја савана, крици и викотници од предатори и големата петорка (лав, леопард, носорог, слон и Африкански бивол).

Ви личи на тропски остров? На далечно, несекојдневно патување?

Каде ако не на Занзибар!
 

Програма на патување

Датум  
Прв ден
09.12.2024
(Понеделник)
 
Состанок на групата пред шалтерите на Turkish Airlines (economy class) .

Лет од Скопје за Истанбул во 08:35 (TK1004). Пристигнување во Истанбул во 12:15 по локално време. Конекција на лет за Занзибар (Zanzibar) во 19:50 (TK615).

*Напомена: Бројот на лет и времето се подложни на промени и истите патниците официјално ги добиваат една недела пред поаѓање.
 
Втор Ден
10. 12. 2024
(Вторник)
 
Слетуваме на Меѓународниот аеродром ,,Abeid Amani Karume” во Занзибар во 03:20ч. по полноќ и трансфер до сместувањето.

Во хотелот во Занзибар ја плаќаме и претходната ноќ што значи веднаш по слетувањето се упатуваме кон хотел и се сместуваме. 

Факултативен излет – песочниот насип Нјанге, Пловечкиот бар и наш фотограф!

Одиме на Nyange Sandbank, познат и како Nakupenda Bis!
Ова не е класичната Накупенда, ова е нашата Накупенда плус еден. Ако Накупенда беше најромантичното место, Nakupenda Bis е најромантичното  плус еден, најспокојното место на светов. На оддалеченост од 30-40мин. од градот, Nakupenda Bis има една од највпечатливите плажи во Занзибар и воопшто на територија на цела Африка! Нејзината спектакуларна плажа се простира низ широкиот брег на Индискиот океан, фалејќи се со прекрасен бел песок и бистри сини води. Нема подобро место во Африка што ви гарантира и ви ја потврдува вредноста на вашите вложени пари, баш како што би рекле ,,Е ова, вреди”. Совршени фотографии за кои ќе се погрижи нашиот фотограф и ќе ви помогне да имате најдобра фотографија од најдоброто место, бескраен мир, приватност, вкусна храна, добри луѓе и убава атмосфера.
Трет Ден
11.12.2024
(Среда)
Фармата на зачини и посета на селото Паџе

Ова не е класична фарма која вообичаено на потесеќа на сточна фарма, животни итн ... Фармата на зачините повеќе наликува на шума, со високи дрвја, палми, треви и отворени плантажи. Токму овде, ќе имате можност да видите како изгледа и расте куркумата, каранфилчето, циметот, ѓумбирот, ванилата, афродизијакот, која е разликата меѓу црвениот, црниот и белиот бибер и како изгледа јодот во неговата природна форма без ниту една хемикалија. За најхрабрите меѓу вас, ќе има можност да се обидете да се качите по палмата со претходни инструкции од спремниот, искусен локалец кој нѐ части по еден свеж кокос, а ние уживаме и пиеме кокосова вода со исцеден лајм. По кратката пешачка тура и запознавање со зачините, ќе имаме можност да понесеме и да го вкусиме најсвежото тропско овошје меѓу кои и Jack Fruit, Shoki Shoki, Bread Fruit, помело, манго, ананас, авокадо, мини банани итн...

При посетата на Паџе, прва работа која ќе ја забележиме е изобилство на kite-сурфери. Доколку имаме среќа и пристигнеме за време на осека, ќе видиме како изгледа брегот кога водата се повлекува скоро километар од него. Ќе имате прилика да видите како изгледаат занзибарските барови, ресорани со бохо стилови, а ќе бидете и сведоци на уникатната африканска музика и танци. Водичот, ве носи во еден од најпознатите ресорти на Занзибар, каде ќе го поминете целиот ден на плажа, со одлична музика, дружба, племето Масаи, а ќе имате можност и да купите магнети, сувенири, марами, да јавате коњи на плажа и да направите плетенки доколку сте љубители. Локалните крави многу често ги посетуваат плажите на Паџе, така што не ја исклучуваме можноста да бидат дел од нашата авантура.
 
Четврт Ден
12.12.2024
(Четврток)
Пешачка тура низ Стоун Таун, песочниот насип Накупенда, Prison Island и возење со традиционален африкански минибус Дала Дала 

Излет на кој понираме во историјата на Занзибар, град на УНЕСКО од 2000та  година. Ја посетуваме Старата тврдина (Old Fort), “Куќата на чудата”, која е еден од главните симболи на Занзибар и која прва во источна Африка имала струја, водовод и електричен лифт, однадвор ја посетуваме куќата на фронтменот на групата Queen, Фреди Меркјури, која денес е хотел, Музејот на робовите, Darajani пазарот, каде би можеле од прва рака да почуствуваме како африканскиот хаос совршено функционира, мирис на риба, бука, ценкање, жени со садови врз главите итн...

По живописниот Стоун Таун, на само 30мин. возење од градот се наоѓа песочниот насип Накупенда. Превозно средство ни се локалните дрвени чамци, а тим, позитивните и распеани локалци. Накупенда, на нивниот Swahili јазик значи ,,Те сакам”. Таа нуди толку многу, што за секого ќе има по нешто. Можност за одмор, природа, летни вибрации, плажа, сончање, капење во бесконечниот тиркиз, фотографирање и нуркање.

По Накупенда, следната станица ни е Prison Island. Остров кој ги спојува историјата и природата. Ќе имате можност да ги откриете мистериите на островот, почнувајќи од неговите имиња. Островот е дом на џиновските желки Алдабра, кои кога целосно ќе го испружат вратот од под школките и ќе го подигнат нагоре, достигнуваат висина до половината на возрасен човек. Ќе имате можност да ги храните, да се фотографирате, па дури и да научите ,,финти” како да успеете да исправите една мрзелива, легната желка.
 
Петти Ден
13.12.2024
(Петок)
Факултативен излет- Сината Лагуна и морските ѕвезди, Baladin Resort 5*, Kae Funk Beach Bar

Пристигнуваме на плажата Pingwe. Фото стоп пред светски познатиот, а воедно и најпознатиот ресторан на Занзибар- The Rock Restaurant, на листата на Michelin Star Restaurants! Започнуваме со пливање по познатата Сина Лагуна (Blue Lagoon), земаме опрема, маска и цевка за нуркање и го разгледуваме подводниот свет на островот. Црвени, зелени, портокалови, виолетови, сиви се само дел од морските ѕвезди кои стојат прилепени на океанското дно, но она што е фасцинантно е дека тие се на дофат по само кратко нуркање! Доколку имате гумени/платнени сандали за во вода и камерче GoPro ова е вистинско место да ги искористите! Се фотографираме, се капеме, нуркаме, совршено искуство меѓу купот морски ѕвезди и прекрасниот тиркиз! Google photos и Instagram reels, сега се реалност! По нашата авантура, време е за релаксација!

Многумина кога помислуваат на Занзибар, мислат токму на ова. Сместен на бреговите на полуостровот Мичамви, со поглед кон блескавите сини води, Baladin Resort 5*, е вистинско засолниште на луксуз и релаксација. Гостите може да уживаат во вкусните оброци во ресторанот, да се релаксираат со освежителен пијалок во барот и да уживаат во сонцето додека лежат околу базенот за време на нивниот престој. Ви нудиме уникатна и извонредна дестинација, недопрена плажа, гостопримство од светска класа, внимателно уреден декор, меѓународни кулинарски задоволства, елегантно и вистинско бегство на живописниот брег на Занзибар.
 
Посебно значење му придаваме на бич барот Кае Фанк каде го дочекуваме најцрвеното зајдисонце проследено со логорски оган и акробатско шоу. Се дружиме и учиме да ја танцуваме надалеку познатата ,,Јерусалема”, пиеме коктели, пива, се фотографираме, совршен ден на Занзибар. Полни со позитивна енергија се враќаме во сместувањето.
 
Шестти Ден
14.12.2024
(Сабота)		 Слободен ден за уживање и сопствени активности

Слободно време наменето за уживање на нашата плажа во Кендва на која што излегуваме директно од нашиот хотел. Слободни активности, капење, можност за скијање на вода, парасејлинг, бордање на вода, кајт сурф, ловење риба во длабоки води итн ... пиво, коктели, морски плодови, пространи палми, музика, дружба со локалците и ритам Хакуна Матата.

***Оваа вечер Ве водиме на најпознатиот настан на Занзибар, фамозните Full Moon Party, забави на полна Месечина кои се одржуваат еднаш во месецот на кој настапуваат познати артисти, дџ, денсери од Источна Африка и гостуваат илијадници туристи и локалци кои веќе биле овде дури и од соседните држави.
 
Седми Ден
15.12.2024
(Недела)
Слободен ден за уживање и сопствени активности

Слободно време наменето за уживање на нашата плажа во Кендва на која што излегуваме директно од нашиот хотел. Слободни активности, капење, можност за скијање на вода, парасејлинг, бордање на вода, кајт сурф, ловење риба во длабоки води итн ... пиво, коктели, морски плодови, пространи палми, музика, дружба со локалците и ритам Хакуна Матата. 
 
Осми Ден
16.12.2024
(Понеделник)
Факултативен излет – Факултативен излет – Mnemba Island (островот на Бил Гејтс), нурќање со делфини и Nungwi Aquarium

Утрото, појадуваме и правиме check-out од нашиот хотел, а куферите ги оставаме во собата за багаж. Со вас понесете средства за хигиена и облека која би ја носеле по пат, така што по завршувањето со плажа/базен ќе може да се подготвите за патување.
 
Многумина велат хајлајтот на ова патување е островот Мнемба. Најпопуларно место за нуркање со разни шарени риби, дури сигурни сме дека некои видови риби за првпат ќе ги видите, јата делфини, големи живописни корали, а една група сведочеше и во миграцијата на ,,Humpback Whales’’ карактеристични за месец август. Островот Мнемба многу често е посетуван од Бил Гејтс, каде тој има и сопствен хотел. Доколку ни се насмевне среќата ќе имаме можност да уживаме во песочните насипи и да го набљудуваме природниот феномен на плимата и осеката. Нуркаме со делфините, се капеме во загарантирано најсините води додека добивате reply story од вашите пријатели прашувајќи ,,Кое е ова место”. Повторно, каде ако не на Занзибар!

По факултативниот излет кој се води како Half Day Trip, слободно време наменето за уживање на нашата плажа во Кендва. Заедничка вечера и подготвени за поздравување со нашата нова омилена дестинација. 
 
Деветти Ден
17.12.2024
(Вторник)
Враќање и крај на патувањето

Лет од Занзибар до Истанбул во 05:35ч. (ТК 564). Пристигнување во Истанбул во 13:40ч. по локално време. Преседнување на лет за Скопје (ТК 1005) во 20:15ч. по локално време. Пристигнување во Скопје 19:45ч. Крај на патувањето.

*Напомена: Бројот на лет и времето се подложни на промени и истите патниците официјално ги добиваат една недела пред поаѓање.
 
Можност за еднодневно сафари во Националниот парк Микуми (one day trip by flight)

*цената на сафарито не влегува во пакетот факултативни излети и истата изнесува 350-370USD во зависност од бројот на заинтересирани патници. Овој факултативен излет може да го изведете на деновите предвидени за слободни активности.
 
ПРОМО ЦЕНА:
1.399€
За уплата до 15.11.2024
 
Редовна цена:  1.499 EUR
ПОЈАДОК
АВИОН
7 НОЌИ / 9 ДЕНА
Каде ве сместуваме?

Стоун Таун – еден од ретките преостанати антички градови во Африка
Едно истражување спроведено на Занзибар вели ,,Наместо да го поминете целото време на Занзибар на плажите, поминете најмалку 2 ноќи во живописниот Стоун Таун”. Доживејте го минатото на жив начин, волшебните тесни улички, продавници, модерни ресторани, жива атмосфера се само дел од епитетите кои го китат главниот град на Занзибар. 

Кендва - кога велиме релаксација, мислиме на Кендва!
Место на кое ќе може да се бањате во текот на целиот ден, без изразена плима-осека. Токму и во овој дел ве сместуваме, да може да ги искусите сите придобивки кои ви ги нуди северниот дел од островот. Пиете кафе, јадете свежо тропско овошје со поглед во кристално чистите води на Индискиот океан и фотки за инстаграм стори и одлични мемории. Ресортот во кој ве сместуваме е организатор на прочуените Full Moon Party, забави на полна Месечина кои се одржуваат еднаш во месецот на кој настапуваат познати артисти, дј-и, денсери од Источна Африка и гостуваат илијадници туристи и локалци кои дошле дури и од соседните држави. Тематиката на собите во вашиот ресорт е од Арабија и Африка, а собите се опкружени со кокосови дрвја и бујни тропски градини. Услугата е на база ноќевање со појадок (континентален).
 
Во цената  е вклучено:
  • Комплетна организација и услуги од претставникот на агенцијата на дестинацијата.
  • Авионски билет на релација Скопје-Занзибар-Скопје во економска класа со вклучен багаж - 1 x 8kg рачен багаж со максимални димензии (23 x 40 x 55cm) и  2x23 kg чекиран багаж  со авиокомпанијата Turkish Airlines. 
  • Сместување во двокреветни соби на база 3 ноќевања со појадок (континентален појадок) во хотел Tembo B&B Apartments 4* (по локална категоризација) во Стоун Таун, Занзибар.
  • Сместување во двокреветни соби на база 4 ноќевања со појадок (континентален појадок) во хотел Kendwa Rocks Beach Hotel 4* (по локална категоризација) во Кендва, Занзибар.
  • Сите трансфери од аеродром до хотел, од хотел до аеродром и меѓу градовите по планот и програмата на патување.
Во цената не е вклучено:
  • Индивидуални трошоци 
  • Еко такса во хотелите во кои се сместуваме
  • Факултативни излети и влезници 
  • Меѓународно патничко-здравствено осигурување
  • Виза за Танзанија (50USD)
Практични информации:
 
  • Официјална валута на Занзибар и во Танзанија е Танзаниски шилинг (TZS), па така може да плаќате во шилинзи или во долари, важно е вашите долари односно банкноти да бидат од 2009 години и понови.
     
  • Картички може да се користат, но во ретки случаи и вообичаено за плаќање со картичка има дополнителна провизија од 2-5% на целата сума.
     
  • Како да пресметате шилинзи во долари?
    пример: 35.000 tzs : 2500 = 14 usd
     
  • Вакцина против жолта грозница (Yellow Fever) не е задолжителна, но ако веќе сте ја примиле понесете ја потврдата/ Сертификатот со вас. Исто така, до сега не сме забележале случај на маларија во Занзибар.
     
  • Временската разлика меѓу Занзибар и Македонија е еден или два часа, во зависност од летно/зимско сметање на времето.
     
  • Температурата во Занзибар варира од 22-28 степени Целзиусови од јуни до септември, додека од декември до март достигнува и до 32-35 степени Целзиусови.
     
  • Што и да купувате, ценкајте се!!!

    SAFARI NJEMA (Have a good trip) 😊